Ko’ã mba’e ohupyty 5.119.199.761 guarani. Umi óga heta pehẽnguépe ĝuarã ha’e ojeheróva UBH+2D, ha oguereko: koty ĝuahẽha, karuha, tataypy, koty’i, 2 koty keha ha avei joheiha, oñemopu’ã 44 mts2.
“Rome’ẽ óga ñane retãyguápe, ha pévarã ndorojeruréi chupe afiliación partidaria”, he’i Arq. Gerardo Rolón Pose, omotenondéva Secretaría Nacional de la Vivienda y el Hábitat (SENAVITAT), aty oñeme’ẽhápe óga ijararãmema.
Ko mba’apohára he’i ojejapovétaha kóichagua tembiapo, ha péicha oñeme’ẽta hógarã umi tapicha mboriahúpe ha avei “avei oñemoheñói mba’apo ñane retãyguápe ĝuarã ñane retã tuichakue javeve”.
“Ko’ã óga ojejapóva umi mboriahúpe ĝuarã ojejapovéta, hetave tapicha oguereko haĝua hóga tee ko arýpe”, he’i oñe’ẽvo Rolón Pose.
“Mercosur Róga”
Ko’ã óga ojejapo pya’e porã tembiaporã “Mercosur Róga” apytépe, oguerekóva tekotevẽtente, ha avei oĩ ojeipurútava oñondivepa. Viru oñemoañete haĝua ko tembiaporã omoĩ Fondo para la Convergencia Estructural del MERCOSUR ha avei oĩ Contrapartida Nacional.
Oguereko avei red eléctrica, y (pozo, tanque y red de distribución), relleno de manzanas, mejoramiento de red vial ha desagüe pluvial.
Ha pe ikatúva opavavéva oipuru oguereko Koty guasu, tesãire oñeñangarekoha, ha avei pytu’uha
Empresa Contratista omopu’ãva’ekue ogakuéra ha’e IASA - INGENIERIA APLICADA S.A., ha tapicha omoakãva héra abog. Diego Martínez Burgos.